طريقة عمل التيراميسو الدايت بالشوفان

المكونات:
4 ملاعق شوفان 
علبة زبادى لايت
2 ملعقة لبنة بدون ملح
2 كيس سكر دايت 
1 ملعقة نسكافيه ندوبها فى نصف فنجان مايه بارده و نحليه بكيس سكر دايت

 

الطريقة:
- ندوب النسكافيه فى المياة الباردة ونحليه بشوية سكر دايت 
- نخلط الزبادى مع اللبنة و عليهم سكر دايت و نقلبهم كويس و نضيف نصف كمية النسكافية و نقلب تانى
- فى كاس التقديم، نضع ملعقة شوفان فى القعر و نبلهم بشوية نسكافيه و نقلبه حتى يتشرب
- نضيف طبقة من الزبادى باللبة فوق الشوفان
- نكرر الخطوات: شوفان و شوية نسكافيه و نقلب ثم طبقة الكريمة (الزبادى باللبنة) حتى نفاذ الكمية
- يترك فى الثلاجة ساعتين و يقدم بارد